7 qalad oo aan sameyno oo dhaawaca maskaxdeena fadlan iska fiiri inaa ku jirtid dadka khaladakaan galo mali walba

7 qalad oo aan sameyno oo dhaawaca maskaxdeena2

Muhiimadda maskaxda ay u leedahay jirkeena iyo caafimaadkiisa waa mid iska cad, maskaxda waxay ka mid tahay xubnaha ugu weyn jirkeena, waana xaruunta qaabilsan kaantoroolka iyo shaqooyinka jirka ka jira, waxay xambaarsan tahay macluumaad tira badan, waxay masuul ka tahay shaqooyin aan la soo koobi karin, midda la yaabka leh ayaa ah in maskaxda ay tahay xubin aad jilicsan

Waxaan hoos ku soo gudbinaynaa 7 khaladaad oo aan sameyno oo wax udhima maskaxda, waxaad is weydiisaa hadii aad ka mid tahay dadka sida joogtada ah u sameeyo khaladaadkaan

1. Quraac la’aan                         

Waxaan had iyo jeer ku soo celcelinaa muhiimadda ay leedahay in la quraacdo subaxii, waxaan kaloo ku wacyi gelinaa bulshada in quraacda ay ka mid tahay quudka ugu muhiimsan ee lacuna, dadka aanan cunin quraac waxaa soo wajahaysa sonkorta dhiigga ku jirta oo hoos udhacda xiliga habeenki oo aan wax lacunin awgeed, waana arin horseedeysa in aysan maskaxda helin tamar iyo nafaqo ku filan, hadii la joogteeyo arintaa waxay sababeysaa in maskaxda ay dhumiso awoodeeda iyo culeyskeeda

2. Nusqaaminta hurdada

Hurdada oo la nusqaamiyo xili dheer waxay dadajineysaa dhimashada unugyada maskaxda, waxaan ubaahanahay in maskaxdeena aysan lumin wax unug ah abid. Hurdada waxay siisaa maskaxda fursad ay ku nasato oo ay dib isugu habeyso iyada qudheeda, sababtoo ah waxay shaqeysaa maalinki oo idil. Sidaas darteed sii hurdada mudnaan wayn.

3. Cunid badan

Waxaan dambi badan ka dareenaa arintaan, marka laga soo tago iney na cayiliso, ama aan dareeno dibiryo, waa arin dhaawacaysa kalsoonida aan ku qabno nafteena. Waxay kaloo adkeyneysaa xididda ku yaala maskaxda taas oo ah arin hoos udhigeysa awoodeena maskaxeeda. Waxaa jira balwad cunto riix halkaan si aad u akhrisid

4. ka fikir la’aanta fikradaha kiciya maskaxda

Caadi ahaan hadii aanan isticmaalin maskaxdeena oo aanan kala jiidid awoodeeda, maskaxda way isu soo uruureysaa, Fikirka wuxuu maskaxda ku sameeyaa jidada cusub. Laastiignimada maskaxda waa mid xaqiijisa qofka in maskaxdiisu ay kobci karto, waxaad sameyn kartaa wadooyin ku cusub ama waxaad tirtir kartaa wadooyin ay maskaxdu leedahay hadii adan isticmaalin maskaxda si joogta ah

5. Cunidda sonkor badan

Waxaa jira khatarra badan oo weyliya sonkorta, sonkoru waa wax ku qarsan ku dhawaad wax walba oo aan cunno, yareynta cunidda sonkorta waxay wadataa faaidooyin badan oo caafimaad, laakin dadka inta badan kama warhayaan, cunidda sonkor badan waxay ishortaagtaa in jirka uu si fiican udhuuqo nafaqada.

6. Ka shaqeyn siinta maskaxda adigoo xanuunsan

Waxaan nahay bulsho ku nool walwal badan, qaarkeenna waxaa laga yabaan iney rabaan in ay ka guul garaan waxyaaba qaar, waliba aysan hakin marka ay xanuunsan yihiin. Xaqiiqadu waa jiraddu waa qaab jirkeenu uu noogu sheego inaan ubaahanahay inaan yareeyno xowliga ama inaan dib uga fikirno qaab nololeedkeena. In la sii wado shaqada ama wax barashada xiliga aan xanuunsan nahay waxay hoos udhigeysaa wax ku oolnimada maskaxda iyo iney dhaawacdo maskaxda

7. Cabidda sigaarka

Waxaan dhamaanteen ognahay in sigaarka uu uxunyahay caafimaad, waxyaabaha uu u horseedo caafimaadka waxaa ka mid ah in uu meela badan ka yareeyo awoodda maskaxda, in uu sababo kansar iyo cudurro kale, waxaa jira dad badan oo ka mid ah bulshadeena oo cabba sigaar, oo jecel iney joojiyaan, waxaan manta siinayeynaa sabab ay ku joojiyaan