La taliyaha waxa ay shaqadiisa u badantahay inuu isbadal ku sameeyo ama hormariyo shaqada loo xilsaaray inuu talo ka bixiyo, asiga oo talo wax ku ool ah keenayo, balse aan lug ku lahaaneynin markii la fulinaayo talooyinkii uu soo jeediyay.
Goorma ayaa loo baahan karaa la talinta
La talinta waxaa loo baahan karaa hadii marxaladaha hoos ku xusan ay jiraan.
§ Hadii howlaha shaqo soo wajahaan dhibaatooyin ama caqabado, shaqo walba tay ahaataba, sida hadii ganacsi shirkad ku yimaado hoos u dhac wax iibintooda.
§ Hadii howlaha shaqo soo wajahaan khataro (Risks)
§ Hadii shirkad ama heyad dooneyso inay ka guurto howl shaqo ay qaban jirtay una guuraayaan howl cusub, waxaa lagama maarmaan ah latalin.
§ Hubin sameyn mudo kadib (periodic check-ups) si wax loo saxo mudo dheer kadib.
Maxay faaiido u tahay la talinta?
§ In la xaqiijiyo yoolka iyo hiigsiga shirkada/ heyada
§ In la ogaado fursadaha badan ee jira.
§ In lagu xaliyo dhibaatooyinka soo wajaho shaqada.
§ In isbadal yimaado, lagana hormaro marxalada markaas la taaganyahay.
§ In ay noqoto xog lahelay wax badan ifiso.
§ In laga qaato talooyinka wax ku oolka ah ee la taliyaha.
Tilmaamaha la taliyaha wanaagsan
La taliyaha wanaagsan waxaa looga baahan yahay inuu noqdo mid leh tilmaamooyinka hoos ku xusan:
§ Awood garasho ku aadan shaqada laga talo bixinayo.
§ Awood u leh inuu la xiriiro dad kala duwan waxna ka dhaadhicin karo.
§ Anshax wanaag iyo daacadnimo.
§ Miyirkiisu fiyow yahay.
§ U talo bixiyo si aqoon iyo khibradiisa ku dhisantahay.
§ Hal abuur leh.
§ Fikir iyo talo keeni karo.
§ Aaminsan inuu wax horumarin karo.
§ Khibrad dheer u leh shaqada la talinta.
Noocyada la talinta
La talinta noocyadeeda waxaa ugu muhiimsan:
§ Doowrka kheyraadka: la taliyaha waxa uu furo u noqonaayaa inuu talo lagu guuleysanaayo bixiyo, daaweeyo ciladaha jira.
§ Doowrka habka shaqo: la taliyaha waxa uu bixinaayaa hage-yaal iyo hanuuniye-yaal qaabka shaqada u qabsmoomeyso.
§ Hogaamin toos: la taliyaha asiga ayaa hagayo shaqada la talinta bilow ilaa dhamaad.
§ Hogaamin aan toos aheyn: la taliyaha iyo shirkada. Qofka ama heyada lala talinayo ayaa howsha wadaagayo.
La soco qeybaha dambe.